Alle vacatures Print Solliciteer
Nederlands

Vacature: (aspirant) Lid Lambieck Knoup Wieërt

Plaatsingsdatum 02-11-2017 Functiecategorie Goede doelen / Fondsenwerving
Standplaats Weert Niveau Starter
Opleidingsniveau Basis/Middelbaar onderwij... Dienstverband Vast contract - Bepaalde tijd m...
Uren 11 Salaris Nein huuer!
Paktj dieës unieke kâns! Vör ’t ieërst in de historie van Stichting Lambieck Knoup Wieërt gaeve vae UCH de kâns uch te prîzzentieëre as nôwwe aanwinst binne os schoeën klup. Woeë dejjae wis vandaag eenkel op vuuërspraok wis de Knoup tôw kosj trei-jje gaon d’r vanaaf vandaag duuëre vör uch oeëpe. Sjiek he? In ’t kaomendj seizoen hebbe vae wat vacatures te stelle (zoeë gieët d’r bevuuërbieldj eine van os Vorst waere beej de Rogstaekers). Ein (jao, eine mer) van dieës vacatures wuuërtj vreejgesteld vör uch. Of vör eur pap, eur zöster, eure achterbuurmân of beste kammeraod.

GEZOCHTJ: (ASPIRANT) LID LAMBIECK KNOUP (M/V)

Vör niks gieët de zon op, gae zultj waal wat motte doon. 

't Taakepakket:
  • Gae kotj braaf nao os vergaderinge en beej agendapunt twiee (*) pakdje altieed eur verantwoeerdelikheid.
  • Gae hetj ’n naas vör stom streek.
  • Gae staektj gaer de hang uut de tes, gein karwe-j es ouch te gek.
  • Gae zörgt det Stefan oppe tieëd ’n nuuëtje of kökske kriegtj.
  • Gae letj (’n bitje) op det oeëze Lambieck Aovendj (’n bitje) ordelik verluiptj.
  • Gae steltj positief kritische vraoge en gaotj gein uutdaaging uut de wieëg.
  • Op ’t mement det Marlies kaltj, dan haodje eure moond!
(*) Mieer info volgt t.z.t. 

Vör niks gieët de zon op, gae zultj waal wat motte kinne. 

't Profiel
  • Gae zeetj unne jong, un maegdje of genderneutraal.
  • Gae kaltj plat.
  • Gae bezitj wat zelfspot en ‘n deîl humor.
  • Gae hetj ‘n breid netwêrk binnen en/of boete de Wieerter vastelaovendjwerreldj.
  • Gae wetj folklore, 't volkse en tradisies van vreuger op de zjuuste meneer te waardieere. 
  • Gae zeetj miljaars kreatief en flexibel (in haojing, gedraag en in de bein).
  • Gae hetj ein of mieër talente deej inne gang ingezatte kinne waere beej De Knoup: misschien zeejjae unne bâwwer, unne sjâwwer, unne prîzzentator in de dop, unne tekstschrieever, unne commerciant of hieel wat ângers. Ouch det es goot.
  • Gae kintj goot umgaon met de nukken van apaarte minse

Waat kriegdje dao vör trök?

Kotj beej de Lambieck Knoup en gae kriegtj minstens 21 kammeraöj vör ’t laeve, en dan hebbe vae ’t noch neet eins oeëver de kaoje kânt. Gae kriegtj goot getraindje lachspiere, want miljaar waat hebbe vae unne lôl. Onger deindanger mer vae lache os ouch te börste oeëver al di-j strom streek di-j vae eeder jaor vörbeej zeen kaome. Vae kaome tusse de maondje september en fibberwari unne kieër of acht beejein um te vergadere. Mer vae doon mieër:

  • Vae hebbe eeder jaor un geweldjige oeëpeningsfieëst roond de elfdje-van-de-elfdje.
  • Eeder jaor make vae ’n eindaags- of mieerdaags uutstepke. En det gieët d’r op!
  • Vae laote os dek kieke op recepties van vastelaovendjvereiniginge.
  • Ouch haoje vae os eige nowjaorsreceptie, d’r zeen Knuipkes di-j thoees blieve met aodjaor um wat energie te spare vör daags d’r nao. 
En noow?
Gae kintj eur interesse kinbaar make via dieës site doeër rechtsonger op ‘SOLLICITEER’ te klikke. Gae kintj dao eur motivatie en ‘CV’ achterlaote en vae kaome snel beej uch in de locht. Gae moogtj eur sollicitatie ouch via de mail versteure t.a.v. Stichting Lambieck Knoup Wieërt via info@lambieckknoup.nl.

Reagieëre kan wis maondjig 5 fibberwari 2018, of zoeëvöl ieërder wi-j muuëgelik.

Acquisisie nao aanleiding van dieës advertensie, wurdj neet op prieës gesteldj. Sterker noch: börsj!


Aliquando et insanire, jucundum est
’t es best lollig ‘ne kieër ’t koaf te zeen
Meer informatie
Deze vacature betreft een parttime functie.

Functiecategorie(ën) Goede doelen / Fondsenwerving
Branch(es) Overig
Provincie(s) Limburg
Trefwoorden

Contactgegevens

Contactpersoon Roel Broods

Vestigingsplaats

Solliciteer